ໂຮງໄຟຟ້າ

ໂຄງການໂດຍສັງເຂບ

ບໍລິສັດໄຟຟ້າຫ້ວຍເຫາະ (HHPC) ແມ່ນຜູ້ຜະລິດໄຟຟ້າເອກະຊົນຂະໜາດໃຫຍ່ (IPP) ທີ່ຕັ້ງຢູ່ ແຂວງອັດຕະປື, ພາກໃຕ້ຂອງລາວ. ເຂື່ອນໄຟຟ້ານ້ຳຕົກ ມີກຳລັງຕິດຕັ້ງ 152 MW ເຊີ່ງ ໄດ້ເລີ້ມການຜະລິດເພື່ອການຄ້າໃນປີ 1999. ບໍລິສັດໄດ້ດຳເນີນການຕາມສັນຍາກັບລັດຖະບານແຫ່ງ ສ.ປ.ປ ລາວໃນຮູບແບບ ສ້າງ, ຜະລິດ ແລະ ມອບໂອນ (BOT) ທີ່ໄດ້ສະໜອງພະລັງງານໄຟຟ້າໃຫ້ ຟຟລ ແລະ ສົ່ງອອກຂາຍໃຫ້ ກຟຜ ແຫ່ງປະເທດໄທ.

ພູພຽງບໍລິເວນຕັ້ງຢູ່ພາກໃຕ້ຂອງລາວ ເຊີ່ງ ເປັນເຂດພູສູງທີ່ມີເນື້ອທີ່ທັງໝົດປະມານ 5.000 ກມ² ໄດ້ກວມເອົາບາງສ່ວນຂອງແຂວງຈໍາປາສັກ, ສາລະວັນ ແລະ ອັດຕະປື.

ທາງພາກໃຕ້ ແລະ ພາກຕາເວັນອອກຂອງພູພຽງນີ້ເປັນເຈີ້ຍພູທີ່ມີໄລຍະທາງບໍ່ພໍເທົ່າໃດກິໂລແມັດເທົ່ານັ້ນ ແຕ່ພັດມີຄວາມສູງປ່ຽນແປງແຕ່ 1.000 ມ ຫາ 1.200 ມ ທຽບໃສ່ລະດັບນໍ້າທະເລ. ຄວາມສູງຊັນຂອງເຈີ້ຍພູດັ່ງກ່າວນີ້ກາຍເປັນເຂດທີ່ເໝາະສົມທີ່ສຸດ ສຳລັບການເຮັດໄຟຟ້າແຮງສູງ.