Welcome to HouayHo Power Plant !!

ດ້ານສັງຄົມ

ນະໂຍບາຍຂອງລັດຖະບານລາວກ່ຽວກັບເຂດອະນຸລັກຊີວະນາໆພັນແຫ່ງຊາດ

ລັດຖະບານລາວ ອອກດໍາລັດກ່ຽວກັບເຂດອະນຸລັກຊີວະນາໆພັນແຫ່ງຊາດ (“NBCAs”), ສະບັບເລກທີ. 164/ນຍ ລົງວັນທີ 29 ຕຸລາ 1994 ຈຸດປະສົງເພື່ອໃຫ້ ປະຊາຊົນທໍາມາຫາກິນຢູ່ໃນເຂດ ທີ່ກໍານົດໄວ້ ດ້ວຍການຈັດສັນ ທີ່ທໍາມາຫາກິນ ໃຫ້ປະຊາຊົນຍົກຍ້າຍອອກຈາກເຂດອະນຸລັກຊີວະນາໆພັນແຫ່ງຊາດ (NBCAs)

ໃນຂອບເຂດຂອງ ການອະນຸລັກຊີວະນາໆພັນແຫ່ງຊາດ (NBCA) ແລະ ຂອງໂຄງການຫ້ວຍເຫາະ ຕາມແຜນການປ້ອງກັນ, ຮັກສາສະພາບແວດລ້ອມຂອງ ລັດຖະບານລາວ ຈໍາຕ້ອງຈັດສັນ ຍົກຍ້າຍ 12 ໝູ່ບ້ານ (~ 640 ຄອບຄົວ ຫຼື ~ 2,700 ຄົນ), ລວມທັງບ້ານນໍ້າຫານ (35 ຄອບຄົວ, 130 ຄົນ), ເຊື່ງ ແມ່ນບ້ານນີ້ເທົ່ານັ້ນທີ່ໄດ້ຮັບຜົນກະທົບໂດຍກົງຈາກອ່າງເກັບນໍ້າເຂື່ອນຫ້ວຍເຫາະ.

ການປະເມີນຜົນກະທົບທາງດ້ານສະພາບແວດລ້ອມ ແລະ ສັງຄົມ – EIA

ການສຶກສາຄວາມເປັນໄປໄດ້ ລວມທັງ ຄວາມເໝາະສົມແລະຜົນກະທົບຕໍ່ສະພາບແວດລ້ອມແລະເສດຖະກິດ-ສັງຄົມ. ການສຶກສາໄດ້ດໍາເນີນຢ່າງລະອຽດ ຄົບຖ້ວນດີ ດ້ວຍບັນດາທີ່ປຶກສາມືອາຊີບລະດັບສາກົນ.
ການສຶກສາດັ່ງກ່າວ ໄດ້ສະຫຼຸບວ່າ ນຶ່ງໝູ່ບ້ານ (ບ້ານ ນໍ້າຫານ) ລວມຜູ້ອາໃສຢູ່ປະມານ 130 ຄົນ (35 ຄອບຄົວ ຈະຖຶກນໍ້າຖ້ວມຈາກອ່າງເກັບນໍ້າເຂື່ອນຫ້ວຍເຫາະ ດັ່ງນັ້ນ ຈຶ່ງຖຶກຍົກຍ້າຍໄປຕັ້ງຖີ່ນຖານໃໝ່.

ການປະເມີນຜົນກະທົບຕໍ່ສະພາບແວດລ້ອມ – EIA

ດ້ານສຸຂະພາບຂອງປະຊາຊົນກ່ອນການຈັດສັນ

- ສາຍເຫດຂອງການເຈັບເປັນສ່ວນໃຫຍ່ ຂອງປະຊາຊົນ ໃນທ້ອງຖິ່ນນັ້ນກ່ອນການຈັດສັນ ແມ່ນເປັນພະຍາດ ໄຂ້ຍູງ ແລະ ຖອກທ້ອງ. ສາຍເຫດທີ່ພາໃຫ້ເສຍຊີວິດ ຍ້ອນຂາດຄວາມເອົາໃຈໃສ່ຕໍ່ພະຍາດດັ່ງກ່າວເຊ່ນ: ພະຍາດໄຂ້ຍູງ, ຖອກທ້ອງ ແລະ ວັນນະໂລກ.

- ພະຍາດໄຂ້ຍູງ ແມ່ນສ່ວນໃຫຍ່ເກີດຈາກນໍ້າ ເຊິ່ງແຜ່ຫຼາຍໃນຂົງເຂດນັ້ນ. ໃນເຂດຊົນນະບົດ ສອກຫຼີກ ສະພາບຊີວິດການເປັນຢູ່ ຍັງຂາດເຂີນ, ມາດຕະຖານການດໍາລົງຊີວິດ ແລະສຸຂະອະນາໄມຢູ່ໃນລະດັບຕໍ່າ ຜູ້ຢູ່ອາໃສສ່ວນຫຼວງຫຼາຍບໍ່ໄດ້ຮັບການປ້ອງກັນເຊື້ອໂລກ ແລະການເສຍຊີວິດຂອງເດັກນ້ອຍແມ່ນຢູ່ໃນລະດັບສູງ.

ການຕັ້ງຖີ່ນຖານ ແລະ ປະຊາຊົນ (ສະພາບການ ກ່ອນການຈັດສັນ)

ດ້ານເສດຖະກິດ: ເອົາການລ້ຽງຊີບດ້ວຍການປູກຝັງເປັນສ່ວນໃຫຍ່. ດິນປູກຝັງຄຸນນະພາບຕໍ່າ, ລັກຊະນະດິນຊາຍປົນຫີນແຮ່ ຕາມບໍລິເວນອ່າງໂຕ່ງນໍ້າເຂື່ອນຫ້ວຍເຫາະ.

ດ້ານການສຶກສາ: ອັດຕາການກຶກໜັງສື ຂອງປະຊາຊົນແມ່ນສູງທີ່ສຸດໃນເຂດດັ່ງກ່າວເຊຶ່ງເປັນເຂດທີ່ຂາດເຂີນສີ່ງອໍານວຍຄວາມສະດວກໃນການຮຽນແລະການສິດສອນ. ບັນຫາອັນຕົ້ນຕໍທີ່ປະເຊີນໜ້າຂອງລະບົບການສຶກສາໃນເວລານັ້ນແມ່ນຂາດເຂີນໂຮງຮຽນ, ຄູ ອາຈານແລະອຸປະກອນການຮຽນ ການສອນ